غلينديزر بالقصيمي هووووع ...............

غلينديزر بالقصيمي هووووع

تسان يا مستان كان فيه واحد يقاله "غلينديزر" ويدلعوونه "دحيم" تسان ذا دحيم قووي وخارق ويصفق كل عيال الحاره حتى كل بنات الحاره يمووتن علييييه لأن كان جميييييييييل معنا الجماال لدرجت انه اذا حركـ شعره "لان شعره طويل" ينزززل الغبار و الأتربه واشيــــاء أخرى هووع , المهم كان هاذا دحيم يحب بنت عمه "حصه" اللي ابووه قصيييير ولي لله الحمد ووهوو يحبه من يوم وهو صغير بس هو كل ماجاء يخطبه من ابوه يحس ان ابووه اللي هو عمه مايحسه قد المسؤليه فا يهوون دحيم لانه هوو وده يثبت لعمه انه قد المسؤؤليه,

ففي مرره من المررارير كان دحيم اللي هو "غلديزر" يمشي بسياارته الهلي وهوو مشغل أغنية "طلال مداح" قالو ترا وهوو كان عايش جو رومانسي جدا كاان رافع وحده من رجلينه وملصقه ع القزازه اللي قدامه ومعه السبحه ويهز ومتحمس مع الأغنية
.
.
نتركم مع الأحداث
.
.
دحيـم : قالوو تراا مالك امل في قربهاا لوو يووم طس وجنب قربها
وهوو متحمس مع الأغنية حس ان حبيبت قلبه "حصه" في خطرر فر الموتر وعدل جلسته ورااح لمزرعة عمه

وفعلا كان كلام دحيم صح لقاا "لصوص" حرامميه في بيت عمه
اوميييييييييير انتبهت له حصه وهو نازل من المووتر
وصررخت بأعلي صووته
حصــــــه : دحيــــــــم يابعدي ياا بعد قلبي وخشات تسبدي وفلاظة كبدي ياا حبي لكـ يا ابوو الفزعاات تكفى دقهم غربلوون بيااخذوون ذهبي تهئ تهئ تهئ
دحيـــم : خلاص لا تصيحين ياا بعدي تراا دمووعتس غاليه علي الا وين ابووتس الدرج عنتس هااه !!
حصــــه : اقوول تكفى ضحكتني ابووي يعررف يسووي شئ قلته دررج تهئ تهئ
دحيــــــم : طيب وين الحرااميه ووينهم خليني اووريهم شغلهم الحين ..؟؟
حصــــــه : يلحقوون ابووي في ارجاء المزرعة .
دحيـــــم : خلاص اجل انتي خلتس بذاا وانا اوريهم شغلهم لا تتحركين خلاص ؟؟
حصـه : ايه انشاءالله انتبه لنفسكـ ياا بعدي .
دحيـم : تامرين امر ياا بنت العم .
ويبتسم لها وتبتس له ذذذذذذذذذذذيكـ الأبتساامه اللي باين انه انشق حلقه وهوو باانن شضاافه اللي تذووب اي بنت تشووفه هووع << بالحيييييييل

ويرووح دحيم يدوور ع الحرااميه لقووهم يدوورن عمه القصير ولأنه قصير ما لقووه كاكاكاكاكا
اااومير يشووفوونه الحرااميه ويجوون لمه
تكلم واحد من اللصوص : دحيــــم وش جابكـ بذاا ..؟؟
دحيـــــم :ابو شهاب انت !! ياا حمار انت ما لقيت الا تسررق من بيت عمي ؟
ابوشهاب: لا يشيخ عمكـ ذا القصيييير ؟
دحيـم : ايه يا الدرج ذا عمي المهم ابيكـ بفززعه طلبتكـ قل تــم ؟؟
ابوشهاب: تـــــم .
دحيـــم: ابيكـ تسووي نفسكـ كنك تدقن بشويش همن انا اجي وادقكـ ويقالكـ تطيح بالأرض وخووياكـ يهجوون
ابوشهاب: خلاص صار بس ما قلتي لي انت وذا الوجه ورراه كل هالسالفه كله..؟؟
دحيــم: لأن عمي القصير مهووب مزووجن بنته الا اذا شافن قد المسؤؤليه وانا بيني وبينكـ هاه ابي البنت بصررراحه وذا الدرج عمي يعني اني لازم اثبت له شجاعتي .
خلاص صار الحين دقن بس بشوويش يالله قررب عمي
ويصبخه ابوشهاب ذاكـ الكف اللي بيغا يطيح منه بس حبه لحصيصه بنت عمه شجعه وقام وفسخ عقاله ودق ابةشهاب دق الله لا يوريكم بهالحظه كان عمه يشووف كل ذا .

ويوم لحطه بالضررب شاف عمووه جا مقبل لمه وقاام هو تنحنح وقال : شف يا عم سبحان الله كان قلبي يقوول ان عمي الغالي به شئ وصار زد حتسيي .
عاد هنا عمه : قال ايه صح مشاءالله عليكـ وااضح
مافهم دحيم بس مشااه .

ويووم جا اليوم الثااني قام راح لعمه لانه مستعجل يبي يخطبه قبل لا عمه ينسى اللي صاار .

وهو يدخل مزرعة عمه ويمر ويشووف حصه ترعى مع الخرفاان ويقوول في نفسه آآآآآآه ياا ويل حاالي اوعدتس ياا حصه يا حصاصت قلبي ماراح اخليتس ترعين ابد راح احطتس في عيووني آآآآآآآخ يارب عمي يوافق وليش مايوافق ماهوب امس انا منقذهم ..

وينزل دحيـــم "غلينديزر سابقا هووع" ويدخل بمجلس عمه ,,
دحيــــم : احم الســــــلام علاكم .
عمه : وعلاكم السلام .
دحيــم : هلا عمي وش اخباركـ ..؟؟
عمه : الحمدلله اخلص وش تبي بسررعه مانيب فاضي لكـ تراا ..
دحيم الله ياخذكـ اصبر ياا قزووم زمانكـ : والله يا عمي انا بختصر الهرجه كله وابي اطلب بنتكـ يا عمي ..
عمه : اي بناتي ..؟؟
دحيم الله من التخريف الحمدلله والشكر : من غييره يعني هو انت عندكـ غيره حصه ياعمي واوعدكـ احطه يعووني الثنتين بس انت قل تم ..
عمه وهوو مكشر : من ززين عيوونكـ ..؟؟
دحيــم جعلكـ اللي منيب قايل وهوو يحاول يبتسم : ههههههه الله يرجكـ يا عم تحب تنكت هههه ..
عمه : هاهاها لا لا ما احب انكت هاهاها طاااح وجهه لقط لقط ..
دحيم وهو مطيير عيوونه تقل بززر استغفر الله : ههه المهم ياا عم اتركك من المززح وقلي وش رايك ..
ويسكــــــــــت عمه فجأه ويقعد يهوجس له سااعه ودحيم وده يتفل بخشته وهوو صقعته تقل بلاط لا الله الا الله المشكله انه منزل راسه ودحيم يناظر ومنقلبه تسبده هوووع ..

دحيـــم مل وانقلبت تسبده : هاه يا عم وش قلت !!
عمه وهوو يناظره : شف انا ابزوجكـ اياه مو عشانكـ ياا الدثووي عشان ابوكـ الله يرحمه مووصين اني ازوجكـ بس نااقص المهر قلي كم بتدفع ..؟؟
دحيـــــم : الله مير يسلمكـ ياا عم المهر قلي انت وش تبي ..
عمه : ابي مركبتكـ الأرضيه ..
دحيم : قصدكـ دوق فليكـ << ترااي قالبه الأسم بس ميخالف يالله اهم شئ عرفتووه ذيكـ اللي يطير به غليديزر ,,
عمه : ايه ذي ..
دحيــــم : بــــس يااعم
ويقاطعه عمه : لا بس ولا يحزنوون تبي حصه عطني الصحن الطااير مااتبي طس ورينا عرض قفاكـ
دحيم وهو يناظر حصه تووايز مع الدريشه "صدز انه ماتستحي" ويناظره وهي تأشر له بمعني ايه

دحيـــــم : خلاص ياا عم حلالكـ كل شئ لخاطر حصه يهوون ..

عمه: خلاص يالله رح خذه وانتسلع وفارق عن خشتي ورووح تصررفوو اكتبوو كتااب وجيبوو شهوود تصرفو وانت الحين رح جيب صحنكـ الطاير ..

دحيــم وهو مستانس لانه ماراح يعطي عمه الصحن وراح ياخذ حصووه : انشاءالله الحين ارووح اجيبه ..

ويطلع دحيــم من المجلس ويرووح ويجر حصه معه ويركب الهلي ويرووحوون عند صحنه الدواار "دووق فليكـ" ويجبوون الشيخ ويملكـ عليهم ويركبوون الصحن ويطروون بعيدا عن عم دحيم وو ابو حصه ويعشوون هناكـ بالمريخ بهنااء وسعااده



ومن هناا بااريس نهيي حلقتنا ونحن نشااهد دحيـــم وو حصه قااعدين هم في صحنهم فووق برج ايفل لشهر العسل فاا ادعوو لهم بالتووفيق كاكاكا

محدثكم :: كريم سماره تلفزيوون المملكه العربيه السعووديه باريس ..
كريم سماره :: يااوااد ياا دحيم انزل من البرج لا تكسرره علينا بعدين يجيكـ رئيسهم يدبغكـ هاكـ الدبغه ..


كاكاكاكاكاكاكاكاكا ووش رايكم بس هووع ..؟؟

<<<<<<<<<< تخريف وحده مخرررفه هوووووووووووووووع



عزيزي المشاهد عزيزتي المشااهده ::

ان هاذا الفلم ليس حقيقة بس انه خياال لكي بس تستتانسوو ولا تضيق صدووركم

ســــــــــلام .....................